السبت، 4 مايو، 2013

معني كلمة صداقه

يمكن ناس كتيرة فاكراها كلمه سهله بس هي صعبة جدا 

الصداقة مش كلام الصداقة افعال ومواقف تثبت كده يمكن في اصحاب كتير بس انك تلاقي صديق بمعني الكلمة بقت صعبة اليومين دول ولأني مؤمن جدا بالجمله (تعرف الصديق وقت الضيق ) فانفسي نرجع لأيام زمان لما كنا اصدقاء بجد واكتر من حد واحد و تلاقي في وقت الشده جنبك بدل الواحد عشرة انما دلوقتي الواحد مابيعرفش حد غير عشان المصلحة او عايز منه حاجة و دي برده تتسمي مصلحة لو غير كده ماتلاقيش خالص وقليل اللي يبقي عايز مصلحتك وخايف عليك...

السبت، 15 ديسمبر، 2012

النجاح




النجاح شيئ جميل لأنه بيساعدك في حاجات كتيير منها الشغل و الخبرة عشان كده أهلك بيصرفوا عليك دم قلبهم لحد ماتخش الجامعة عشان تشتغل و تعيش الحياة وتشوف متاعبها و تحس هما كانوا بيتعبوا قد أيه أنما الفشل أوالنص نجاح انك يتصرف عليك و يتعبوا و في الاخر أيه معهد خاص بيفلوس و كمان مش عاجبك طب انجح وزعلان انهم بيزلوق عشان يجيبولك حاجة طبب ماكنت انت تجييب الأول كان وراك ايه ولا أي حاجة كان وراك اللعب و النت و التليفون ...فبجد كل طالب نفسه في حاجة ينجح الأول و بعد كده بفكر في اللي هو عايزه لان الأهل أو أصحاب العمل بعد ما تكبر مش هتفرق معاهم حاجة غير النجاح و بدونه انت لاتسوي شيئ حتي داخل عائلتك أو عملك أذا وجدته........

الجمعة، 14 ديسمبر، 2012

التفاهم




التفاهم كلمة مابقتش موجودة دلوقتي ومش هتكلم علي السياسة لأن السياسة دلوقتي مابقاش فيها حجة أو عذر يقول أحنا ليه مش عايزين نفهم ...انما انا بتكلم عن البيت ,الاقارب ,الزملاء في الجامعة أو المدرسة .في البيت:ليه كل أب مش عايز يتفاهم مع أبنه بالعقل ويعرف أنه علي الأقل (مش عارف بدل ما هقول كبر )وصل سن نضوج العقل ولازم يجرب ... والأبن كذلك أو البنت لازم يحسوا أن الأب ده بيتعب و يشقي مش عشان الولد يشرب سجاير أو عشان البنت تكلم صاحبها في التليفون . نيجي للاقارب ليه كل أخ بيتخانق مع أخوه عشان ميراث أو أخته يخلي ولاده ميتكلموش مع عمه أو عمته مع أنها صله رحم ليه؟؟؟؟ الزمايل اللي بعض في الجامعة أو المدرسة اللي علي طول أصحاب و فجأه عشان موضوع صغير ممكن ميتكلموش مع بعض طول العمر و الأطفال اللي في المدرسة اللي تلاقي هزارهم أتقلب خناقه ولو قدام محطة مترو أو قدام الشارع ممكن واحد فيهم يموت .....مش عارف أقول ايه بس لو كل واحد أتفاهم مع أخوه أو صاحبه أو الأب مع ابنه أو بنته هتبقي الحياه كويسه ومش هتبقي معقده

الأحد، 21 أكتوبر، 2012

السمنة



صاحبي كان عنده حق السمنة دي حاجة فظيعة و مش صحية كمان ....انا اصلا بقيت أكل كتيييير والوزن اللي زاد ينقص وبعدين انا حسيت اني بقيت عجوز فجأءة و الحركة انعدمت عندي والكسل بقا اكتر...فكررررت ان الواحد لازم ياخد باله من نفسه وكفاية بقي كلام فاضي و كل شوية لأ بكره أو من الشهر الجاي بأذن اله و مافيش اي حاجة بتتعمل و بعدين واحد صاحبي قالي علي فكرة عجبتني جدا وهي انا احنا هنعمل حاجتيين في بعض 1_هنصوم اثنين و خميس عشان نقلل الاكل 2_ كده برضوا مشينا علي سنه الرسول صلي الله عليه وسلم ناس طبعا ناس هتبرأ دلوقتي ماتتخدش افهم انا ممكن اكون باستغل الدين فعلا زي ما انت بتقول بس انا باستفاد بيه لعمل حاجه كويسه مش حاجة غلط و بعديين انا كررت اعمل كده بعد ماكنت قاعد مع صحابي واتريقوا عليا .....بجد كنت لازم أخد القرار ده من زمان......

الثلاثاء، 16 أكتوبر، 2012

هوس البنات بالموضة ؟؟؟؟



الموضة حاجة كويسة و المفروض ان البنت بتختار لبسها علي الموضة بس بساطة صح!!! طيب ليه في هوس وأحيانا جنان و هو ده الهوس بالموضة ....اسم غريب جدا !!!! بس أنتشر أوووي اليومين دول وبالذات في الجامعات و المعاهد وبما أني طالب عشان ان الواحد بيشوف حاجات غريبة جدا ولما يجي يسأل تقولك موضة ههههههه موضة ايه دي اللي تخلي البنت تشتري حاجات بفلوس كتيير و ماتعملش بيها حاجة او تلبسها مرة واحدة بس مش فاهم !!! انا مش قصدي علي الفلوس لاتقولوا عليا بخيل بس القصد ان كل حاجة بسيطة تبقي اجمل ... لما كنت بفكر اكتب في الموضوع قررت اسأل السن الأكبر مني اكييد هايفيدني فسألت طلاب كتيير في الفرق الاكبر(من البنات)  مني بس عجبني أووي كذا رد و حزني أوي كذا رد فمن الردود : اكييد فرااااغ مايعملش كده غيير الفاضي ,غيرة من بعض وأيضا.... علي فكرة ربنا أدانا الوش ده عشان نجملة بالمكياج . وفي حاجة تانية قعدت مع طالبة عشان افهما وأحاول اقلبها في دماغي قالتلي(نقص)مش فاهم يعني اييييه؟؟؟ ردت:يعني ممكن تحس ان لبسها مش زي البنات التانية فضططر انها تلبس من غير ماتفكر المهم موضة .... بجد هو في كده !!وكمان عرفت حاجة غريبة أني في بنات بتستلف عشان الحاجات دي..
المهم بقي العيب علي الأهالي ولا البنت ولا ايه بالظبط ؟؟؟؟؟



 بس لو علي وجهة نظري و اقبلها أو ارفضها علي البنت عشان ربنا أدانا عقل نفرق بين الصح و الغلط...

السبت، 13 أكتوبر، 2012

انواع اللب

انواع الحب هي؟؟؟؟ ثانية واحدة ايه الي جاب انواع اللب لي انواع الحب ..... انا اقولك رأيي :الحب زي اللب ليه انواع زي مثلا في ناس مابتحبش غير اللب الخشابي اللي هو صعب تأشيره و هو ده الحب الدائم واللي صعب تسيبه لأنك اتعودت عليه زي اللب الخشابي و في ناس بتحب الابيض اللي هو بيتأشر بسهولة و مهما تأكل منه ماتحسش انك بتاكل منه و هو ده الحب الأي كلام اللي اي راجل بيضحك بيه علي اي البنت او البنات الي بتضحك بيه علي اي راجل و متهايألي البنات اكتر علي الولاد ...... لأن فيه مقوله معروفة ان قدام كل ولد ست بنات فابالبلدي يعني لازم يمرمطوا هههههه ولا ايه ......

الجمعة، 12 أكتوبر، 2012

معني العنوان

خرابيش كلام من القلب!!!!! يعني ايه؟؟؟؟ الجزء الاول من الاسم (خرابيش) انا اقولكوا اصل انا كونت بتفرج علي مسلسل اسمه 04 ولاقيت ممثل اسمه (مؤمن نور) عامل في المسلسل شخصية باسم حسن و بتحب الكتابة فا اسم المدونه بتاعته خرابيش حسن فاعجبني اوي الجزء الثاني (كلام من القلب) انا بسمع كلام فنانين كتير و اكتر كلام احيانا بيقولوا ان الكلام الي بيطلع من القلب بيوصل اسرع من الكلام المتزوق ..............